Nafarroa Baik Pirineotako Plangintzan jasotako baina egin gabeko lanak 2011 baino lehen bukatzeko eskatu du
(2010/Apirila/6)
   
 

Nafarroa Baik mozioa aurkeztu du Nafarroako Parlamentuan, Pirineotako Plangintzaren barruan garrantzitsutzat ematen ziren proiektuak edo lanak, baina egin gabe daudenak, presazko prozedurarekin 2010ean has daitezen edo bestela 2011rako bukatuak izango direla ziurta dadin eskatzeko.



Txentxo Jimenez Nafarroa Baiko parlamentariak adierazi duenez, “Pirineotako 2007-2009 Plangintzaren barruan zeuden proiektu edota lan guztiak amaitzeke daude oraindik, zoritxarrez, nahiz eta Plangintza nagusi horren epe formala amaitua egon”.


 


Zentzu horretan, koalizioko parlamentariak ohartarazi duenez, “oso garrantzitsutzat eta egin beharrekoak ematen ziren proiektu edota lan asko, batez ere Pirineotako hiru bailarei dagokienez, hastapeneko fasean daude edo hasi ere ez dira egin”.


 

Txentxo Jimenezen hitzetan, “inguru horretarako plangintza berria egitea agindu zion Gobernuari Parlamentuak, eta oraindik erantzunaren zain gaude, baina orain, jada hartuak dituen konpromisoak betetzeko exijitu beharrean gaude, eta onartua den Plangintzako lanak abian jartzea exijitu nahi diogu Gobernuari”.